Umhverfismat
Umhverfismati er ætlað að stuðla því að tekið sé tillit til umhverfissjónarmiða við mótun stefnu eða áætlunar og við útfærslu framkvæmda
Við hjá Alta höfum áratugareynslu af mati á umhverfisáhrifum, námskeiðshaldi því tengdu og höfum komið að gerð leiðbeininga í því efni fyrir Skipulagsstofnun.
Við leggjum áherslu á markvisst matsferli, vinsun á mikilvægustu umhverfisþáttunum og gott samstarf við lykil hagsmunaaðila.
Umhverfismat áætlana
Matið felst í að gera grein fyrir líklegum áhrifum áætlunar á einstaka umhverfis- og samfélagsþætti og síðan þá alla í heild sinni.
Mikilvægt er að samtvinna matið við forsendugreiningu og stefnumótun til að forðast tvíverknað og tryggja að matið nýtist sem best við ákvarðanatöku
Umhverfismat framkvæmda
Mati á umhverfisáhrifum framkvæmda er ætlað að draga eins og kostur er úr neikvæðum áhrifum þeirra.
Við mat á umhverfisáhrifum er góð yfirsýn og skilningur á heildar samhengi framkvæmdar og umhverfis gríðarlega mikilvægt til að tryggja sem hagfelldasta útkomu fyrir umhverfi og samfélag. Samspil við skipulagsáætlanir og stefnumörkun stjórnvalda er einnig mikilvægur þáttur að horfa til.
