Ferðamál
Ferðamenn sækjast í æ ríkari mæli eftir því sem er ekta; að komast í tengsl við daglegt líf fólks og upplifa sérstæðan staðaranda
Það er gagnlegt að greina sérkenni svæðis og marka stefnu um hvernig eigi að nýta þau.
Þannig má efla ferðaþjónustu á forsendum hvers staðar, styrkja ímynd svæðisins og stuðla með því að eflingu atvinnulífs og byggðar.
Skipulag og þróun ferðamannastaða
Ferðamál og ferðamannastaðir eru sífellt mikilvægri þáttur í skipulagsgerð á öllum skipulagsstigum. Greining á upplifun og staðaranda svæðisins auk mögulegra áfangastaða og ferðaleiða er mikilvæg forsenda. Greiningin byggir á náttúru, menningu og sögu hvers staðar.
Markmið skipulags og þróunar ferðamannastaða eru oft ánægjulegri upplifun og lengri dvalartími á staðnum. Að uppbygging sé markviss og skapaður sé grunnur fyrir nýsköpun og vöruþróun.
Aðstoð við ferðaþjónustufyrirtæki
Við aðstoðum við að gera hugmyndir að veruleika. Við leggjum áherslu á vönduð vinnubrögð og markvissa miðlun frammistöðu.
Við gerum kort og vefsjár af ýmsu tagi sem gagnast í ferðaþjónustu. Greinum og matreiðum landupplýsingar úr ólíkum áttum og miðlum þeim í kortum og vefsjám.
